मान्छेले मान्छेमा सार्न सकिने वरदानहरु कसको नियन्त्रणमा होला ?
कसैले वरदानहरूलाई अभिषेक गरेर सारी दिन्छु भन्छभने, त्यो बोक्सिविधा जस्तै हो ।
अन्यभाषाको वरदान पाएकाहरूले धेरैचोटी आफूलाई अरुहरू भन्दा धार्मिक, पावित्र ठान्दछन् ।थुप्रै ठाउँमायस्ता आत्मिकठान्ने ख्रीष्टियनलेअरू सोझार उनीहरूजस्तैगरीजिब्रोहरूद्वाराप्रस्तुतहुन् नजान्नेइसाईहरूलाई“बाहिर चोककोइसाईहरूकोदर्जा दिएकोमैले देखेकोछु ।
परमेश्वरको छेउमा जाने र उहाँलाईप्रशंसा चढाउने व्यक्ति चाहे मिठोमिठो शब्दहरूमा प्रार्थना गर्न नजान्ने व्यक्ति होस्, चाहे विभिन्न वरदानहरूले भरेका कुनै मानिस होस्, परमेश्वरको दृष्टिमा सबै बराबर हुन्छन् ।
एकजना जर्ज मेलोन भन्ने व्यक्ति जसले आफै अन्यभाषामा प्रार्थना गर्दछ । उनलेआफ्नो पुस्तक “ती विवादस्पद वरदानहरू” मा अन्यभाषाको चर्चा गर्दै यसलाई “ख्रीष्टियन मित्रता र एकता तोड्ने शताब्दीकै सबैभन्दा ठुलो विषय” भनि मानिलिएका छन् । तर म यसलाई अझ गम्भीररुपमा परमेश्वरको उपस्थिति बिथोल्ने समस्या ठान्दछु ।
मलाई पटकपटक थुप्रै अन्यभाषा बोल्ने साथीहरूले तिमी त आत्मिकख्रीष्टियन होइन रहेछ भनेर भनेका छन् । इसाई विश्वासमा आउदै गर्दा एउटा झुण्डले मलाई अन्यभाषाको वरदान प्राप्त गर्नुहोस् भनेर मेरो वरिपरी उभिएर जोडजोडले त त, र,र म,म भनेर कराउन लगाएको थियो । म नयाँ थिए, म उनीहरूको पछिपछि कराएँ । श्रवन भाइलाई आत्माले छुयो भनेर उनीहरूले तालि बजायो । वास्तवमा मलाई मुर्ख बनाएर उनीहरूले परमेश्वरको आत्माद्वारा प्राप्त हुने विशेष वरदानलाई कण्ठस्त गराउने अभ्यास गर्दै थियो । जुन आजपनि काठमाडौं र नेपालभित्रका थुप्रै मण्डलीमा अभ्यासका रुपमा चल्दै आएको छ ।
केहि हप्ता अगाडि म एउटासाम्प्रदायिक मण्डलीमा संगतिमा गएको थिएँ । स्तुति प्रशंसा हुँदै गर्दा बीचमा मौन बस्न लगाईयो । केहीछिन मौन बसेपछि आउनुहोस् हामी सबैजना मिलेर अन्यभाषामा प्रार्थना गरौँ भन्नुभयो । त्यस् मण्डलीमा भएका लगभग सबैले अन्यभाषामा प्रार्थना गरे । मैले गर्न सकिन । त्यहाँ थुप्रै जनाको अगाडि म आत्मिकी इसाई बन्न सकिनँ । किनकि मैले यो वरदान पाएको छैन । संगति संचालकले अन्यभाषामा प्रार्थना गरौँ भन्ने बित्तिकै सबैले एकसाथ गर्न थालेका अन्यभाषाको शब्दहरू कसबाट नियन्त्रित गरिएको छ भन्ने कुरामा प्रश्न गर्न सकिन्छ । के मान्छेले अन्य भाषामा प्रार्थना गरौँ भन्ने वित्तिकै परमेश्वरको आत्मालाई तुरुन्तै मानिसहरूले आफ्नो नियन्त्रणमा ल्याउन सकिन्छ र ?
बाइबलले शारीरिक र आत्मिकख्रीष्टियनको कुरा गर्दछ, तर विशेष वरदानहरूका कारण शारीरिकबाट आत्मिक हुन्छ भनेर बाइबलले भन्दैन । पश्चात्तापद्वारा आत्मिकता कमाउने कुरा बाइबलले गर्दछ ।
पवित्रआत्माको वरदानलाई झुठो ठहराउनेगरी थुप्रै मण्डली र त्यसकाअभ्यासले धेरैचोटी आफ्नो भावनात्मक उत्तेजनालाई पवित्र आत्माको काम भन्ने गरेका छन् । हरेक ख्रीष्टियनले यो बुझ्नु पर्दछ कि ” पवित्र आत्माले भावनाहरू उत्पन्न गर्नुहुन्छ, तर भावनाहरूले पवित्र आत्मालाई ल्याउन सकिदैन ।
१कोरन्थी १२:१३ पदले हामीलाई स्पष्ट बताउँछ कि “हामी सबैले एउटै पवित्र आत्माद्वारा वप्तिस्मा पाएका छौं । तरअन्यभाषा बोल्ने केहि मानिसहरूले यो कुरालाई नकारेर अन्यभाषाका वरदान नभएकाहरूलाई आत्माको वप्तिस्मा लिनुपर्छ भनेर उक्साउने गर्दछ । बाइबलले प्रष्ट भन्दछ कि अन्यभाषा बोल्नु र आत्माको वप्तिस्मा दुई फरक कुराहरू हुन् । यो याद गर्नुहोस् पवित्र आत्मा पाएपछि कसैले पनि “पवित्र आत्माको वप्तिस्मा” पाएको कुनै घटना छैन ।
पवित्र आत्माको वप्तिस्मा नै विश्वासीको जीवनको पहिलो कदम हो । यसलेख्रीष्टको मृत्युमा हामी पनि उहाँसँगै गाडिएको, ख्रीष्टको देहको अङ्गहरू भएको , उहाँसँगै नयाँ जीवनमा बौरी उठेको कुरा बुझाउँछ । पवित्र आत्माको बप्तिस्मा दुइवटा छ, तीनवटा छ भन्ने खालका शिक्षा अबाइबलीय हो । अन्यभाषा बोल्नु नै पवित्र आत्माको बप्तिस्मा भन्ने शिक्षा बाइबल विपरित हो ।
अन्यभाषा नबोल्दा तिमीले आत्माको वप्तिस्मा पाएका छैनौं रहेछ भन्नेखालका आरोपहरूलाई पन्छ्याउन र आफूलाईधर्मी देखाउनकै निम्ति थुप्रै इसाईहरूले नाटकियरुपमा अन्यभाषाको अभिनय गरिरहेका छन् । जुन आजभन्दा केहि वर्ष अगाडि मैले पनि झन्डै गरेको थिएँ । आत्माको वप्तिस्मा र वरदानहरू फरक कुरा हुन् । अन्यभाषा वप्तिस्मा होइन, एउटा वरदान हो । अन्यभाषा कसैबाट सिकेर, घोकेर बोल्ने कुरा होइन ।
परमेश्वरमा कुनैपनि कुरा प्रदर्शनी र देखावटीहुँदैन । यसकारण कसैले कसैको शिरमा हात राखेर पवित्रआत्मा दिने आट गर्दछ वा परमेश्वरलाई आज्ञा गर्छ भने, उसले आफैलाई परमेश्वरको ठाउँमा उभ्याउने चेष्ट गरिरहेका हुन्छन् । बाइबलले कहिँ पनि मानिसहरूलाई छुट्टै विधिगतरुपमा पवित्र आत्माको वप्तिस्मा दिनु भन्ने आज्ञा दिएको छैन । येशूको बारेमा मात्र उहाँ बप्तिस्मा दिने व्यक्ति हुनुहुन्छ भनेर भनिएको छ । यो काम कुनै मानिसलाई वा कुनै प्रचारकलाई दिइएको छैन ।
गम्भीर सत्यता यो होकी कसैमाथि हात राख्नु, शरीरको अंगहरू छुन हतार गर्नु र परमेश्वराबाट आउनेवरदानहरूलाई आफैले मानिसहरूलाई अभिषेक गरेर शारी दिन्छु भन्नु बोक्सिविधा जस्तै हो । कसैले पनि आफ्नो हातको माध्यमद्वारा अर्को व्यक्तिलाई पवित्र आत्मा दिईएको भान गर्छ भने, उसले परमेश्वरलाई आफ्नो अधिनमा राखेर अर्कै शक्तिबाट काम गरेको बुझ्नु पर्दछ ।
अहिले मण्डलीहरूमा दोस्रो वप्तिस्मा र अन्यभाषाको नाउँमाझुटा आत्मा बोकेर हिडेकाहरूले आफूले प्राप्त गरेको शक्ति अरुहरूलाई सार्न प्रेरित गरिरहेका छन् । पवित्र आत्मा, वा कुनैपनि वरदान एक व्यक्तिले अर्को व्यक्तिमा सार्न सकिने कुरा होइन । वरदानहरूमध्ये सबैभन्दा कम प्रभाव रहेका अन्यभाषालाई आज अचम्मै ठुलो पारिएको छ । यसले केहि कुरा गलत भइरहेको संकेत गर्दछ । अन्यभाषालाई नै पहिलो पंतिमा राख्ने मण्डलीहरूमा परमेश्वरको महत्वले ठाउँ नपाईरहेको अवस्था देखाएको छ । अन्यभाषाको नाउँमा, मण्डलीमा चिच्याउने, कराउने, लड्ने, अनियन्त्रित, काम्ने र आत्मा संयममा बस्न नसक्ने जस्ता आत्माको प्रभाव दिनहुँ बढ्नुले यो बाइबलीय नभएको पुष्टि पार्दै आएको छ ।
धेरैजनाले अरुहरूलाई प्रभाव पार्नका निम्ति सुन्दर वरदानहरू प्राप्त गर्न चाहान्छन् । यस्ताहरूलाई बाइबलीयस्पष्टीकरणको धारमा जाने सल्लाह दियौं भने उल्टै हामीलाई पवित्र आत्मा सम्वन्धि सिद्धान्तलाई गलत बुझेका,प्रेम नभएको इसाई, नआत्मिक भन्ने आरोप लगाइन्छ । सबैले यो याद गरौँ कि झुटको पिताद्वारा अभिप्रेरितहरूले मात्र पवित्र बाइबलसँग नमिल्ने घटनाहरू, वरदानहरू, अन्यभाषाका अभ्यास र गलत कुराहरूसँग सम्झौता गर्छ ।
बाइबललाई सहीरुपमा दाँजेर हेर्ने होभने, थुप्रै वर्तमान मण्डलीहरूमा अन्य भाषा, चिन्हरू र शक्तिकाकामहरूको प्रलोभन देखाएर शैतानले आफ्नो शक्ति प्रदर्शन गरिरहेका छन् । किनकि मानिसहरू चिन्ह देख्न चाहान्छन् । अनौठो गुणहरू देखाउन चाहान्छन् । शक्तिहरू प्रदर्शन गर्न चाहन्छन्, तर परमेश्वरको मापदण्ड विपरित चालिएका कामहरूप्रति ध्यान दिदैनन् । यसैले गर्दा मानिसले मानिसलाई शक्तिका काम , अनौठो चिन्हका वरदानहरू बाँडीरहेका छन्, जुन अबाइबलीय छ ।
तपाईं आफै सोच्नुहोस् मान्छेले मान्छेमा सार्न सकिने वरदानहरू कसको नियन्त्रणमा होला ? मान्छेले मान्छेलाई बोल भन्दा, झ्वाट्ट बोल्न थाल्ने अन्य भाषाका वरदानहरू कसको शक्तिमा केन्द्रित होला ?
मत्ति २४:२४
किनकि झुटा ख्रीष्टहरू र झुटा अगमवक्ताहरू खडा हुनेछन्, र हुन सके चुनिएकाहरूलाई पनि भड्काउनलाई ठूलाठूला चिन्हहरू र आश्चर्यका कामहरू देखाउनेछन् । याद राख मैले तिमीहरूलाई अघि बाटै भनिदिएको छु ।
(बाइबलमा आत्मा वा पवित्र आत्माद्वारा बप्तिस्मा हुनु भन्ने कुरा सात पल्ट भेटिन्छ, र पवित्रआत्माले भरिने कुरा चैधा पल्ट देख्न सकिन्छ । )
श्रवन बोम्जन